पूर्व सभामुख ढुंगानाको निधनको शोकमा आज सार्वजनिक विदा

काठमाण्डौ : सरकारले आज सार्वजनिक बिदा दिने निर्णय गरेको छ । आज बसेको मन्त्रिपरिषद बैठकले पूर्व सभामुख दमननाथ ढुंगानाको निधनमा  आज सार्वजनिक बिदा दिने निर्णय गरेको हो ।

पूर्व सभामुख ढुंगानाको आइतबार दिउँसो उपचारको क्रममा ८३ वर्षको उमेरमा निधन भएको थियो । आजै ढुंगानाको पशुपति आर्यघाटमा राष्ट्रिय सम्मानका साथ  अन्त्येष्टि गरिँदैछ । 

साथै पूर्व सभामुख ढुंगानाको निधनको शोकमा आज देश तथा विदेशस्थित सबै सरकारी कार्यालयमा राष्ट्रिय झण्डा आधा झुकाइने नेपाल सरकारका प्रवक्ता पृथ्वी सुब्बा गुरुङले जानकारी दिएका छन् ।