पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
काठमाण्डौ : आमिर खान स्टारर बलिउड फिल्म ‘सितारे जमीन पर’ अन्ततः नेपालमा रिलिज हुने निश्चित भएको छ । एप्पल इन्टरटेनमेन्टले यो फिल्मलाई नेपाल ल्याउन लागेको हो ।
‘फिल्म नेपालमा आउने निश्चित भयो । बेलुकासम्म रिलिजको टुंगो लगाउँछौं’ एप्पल इन्टरटेनमेन्ट स्रोतले अनलाइनखबरसँग भन्यो ।
सेन्सर लगायतका प्रक्रिया तय हुने वित्तिकै प्रदर्शन मिति घोषणा गर्ने एप्पलको तयारी छ । यसअघि यो फिल्मको राइट महंगो भनेको भन्दै वितरकले नेपाल ल्याएका थिएनन् ।
भारतमा भने यो फिल्मले उत्साहजनक कमाइ गरिरहेको छ । भारतमा शुक्रबार रिलिज भैसकेको फिल्मले सोमबारसम्म हिन्दी बेल्टमा मात्रै ६५.८० करोड कमाइ गरेको तरण आदर्शले जनाएका छन् ।
आमिरको यो प्रतीक्षित फिल्म नेपाल नआउँदा दर्शकले निराशा व्यक्त गरिरहेका थिए भने वितरक र हललाई ल्याउन दबाब दिइरहेका थिए ।
2025-06-24
