बसको ठक्करबाट बाँकेमा एक महिलाको मृत्यु

नेपालगञ्ज : बसको ठक्करबाट बाँकेमा एक महिलाको मृत्यु भएको छ । नेपालगञ्जबाट कोहलपुर तर्फ जाँदै गरेको लु २ ख ४६ नम्बरको मिनि बसको ठक्करबाट जानकी गाउँपालिका वडा न. ६ की ६५ वर्षीया कलावती भाटको मृत्यु भएको हो । 

बसको अगाडिको पट्टा भाँचिएर गनापुरमा पैदल यात्रु भाटलाई ठक्कर दिएको इलाका प्रहरी कार्यालय कोहलपुरले जनाएको छ । शवलाई नेपालगञ्ज नर्सिङ होममा राखिएको प्रहरीले बताएको छ । 

मृतक महिलाका आफन्तहरुले बसले ठक्कर दिएपछि ब्याक गरेर मारेको आरोप लगाएका छन् । बस र चालकलाई प्रहरीले नियन्त्रणमा लिएको ईलाका प्रहरी कार्यालय कोहलपुरले बताएको छ ।