पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
काठमाण्डौ : अन्तर्राष्ट्रिय मुद्रा कोष (आईएमएफ) ले युक्रेनसँग समष्टिगत आर्थिक स्थायित्वका लागि करिब ५० करोड अमेरिकी डलर बराबरको ऋण कार्यक्रम पुनरवलोकनका लागि सम्झौता गरेको बिहीबार घोषणा गरेको छ।
तीन वर्षभन्दा बढी समयदेखि रुससँग युद्ध गरिरहेको युक्रेनले वासिङ्टनस्थित अन्तर्राष्ट्रिय वित्तीय संस्थाबाट चार वर्ष अर्थात् १५ अर्ब ५० करोड अमेरिकी डलर बराबरको राहत पाएको छ।
युक्रेनको भ्रमणपछि कोषले युक्रेनले मार्चको अन्त्यसम्ममा आफ्ना सबै लक्ष्य र कार्यसम्पादन मापदण्ड पूरा गरेको र यसको कार्यकारी बोर्डले नयाँ वितरणलाई अनुमोदन गर्न सिफारिस गरिरहेको जनाएको छ।
धेरै हदसम्म औपचारिकता मानिने यो प्रक्रिया समितिद्वारा अनुमोदित भएमा आईएमएफले युक्रेनलाई तुरुन्तै ५० करोड डलर उपलब्ध गराउनेछ। हालको कार्यक्रम अन्तर्गत यसको वितरण १०.७ अर्ब डलरको नजिक पुग्नेछ।
आईएमएफ मिसन प्रमुख गेभिन ग्रेले एक विज्ञप्तिमार्फत जारी विज्ञप्तिमा तीन वर्षभन्दा लामो युद्धबाट उत्पन्न चुनौतीका बावजुद युक्रेनको अर्थतन्त्र लचिलो रहेको बताउनुभएको छ।
‘कोषले यस वर्ष ‘सामान्य’ मुद्रास्फीति–समायोजित आर्थिक वृद्धिको अपेक्षा दुईदेखि तीन प्रतिशतको बीचमा गरेको छ र यसले श्रम अवरोध र ऊर्जा पूर्वाधारमा क्षतिबाट भएको आर्थिक सुस्ततालाई प्रतिबिम्बित गर्दछ’, उनले भने। उहाँले खाद्यान्न र श्रमको बढ्दो लागतका कारण मुद्रास्फीति निरन्तर बढ्दै गएको र अप्रिलमा १५.१ प्रतिशत पुगेको बताए।
कोषले युद्धले जनसङ्ख्या, अर्थव्यवस्था र पूर्वाधारमा ठूलो असर पारिरहेकोले युक्रेनको आर्थिक परिदृश्य ‘असाधारण रूपमा अनिश्चित रहेको जनाएको छ।
