पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
राप्तीसोनारी (बाँके) : नेपाल कम्युनिष्ट पार्टी (माओवादी केन्द्र)का अध्यक्ष पुष्पकमल दाहाल प्रचण्डले राप्ती नदीको तटबन्ध निर्माणका लागि भारतले दिने भनिएको रकम नदिएको बताएका छन् ।
पार्टीको हुलाकी राजमार्ग अभियान अन्तर्गत बाँकेको राप्तीसोनारीको फत्तेपुरमा आयोजित जनसभालाई सम्बोधन गर्दै राप्ती नदीमा तटबन्ध निर्माण गर्न भारतले १० अर्व दिने सहमति गरेपनि नदिएको बताएका हुन् ।
उनले सरकारले तटबन्ध निर्माणमा भारतले दिने भनेका रकम उपलब्ध गराउन सरकारले भारतसँग कुरा गर्नु पर्ने बताए । भारतले रकम नदिए सरकारले नै लगानी गरेर भएपनि राप्ती सोनारीका जनताको जिउधन जोगाउन तटबन्ध निर्माण गर्नुपर्ने उनले बताए । तटबन्ध निर्माणका लागि ५० करोड आवश्यक रहेको उल्लेख गर्दै आफुले तटबन्ध निर्माणका लागि सदनबाट आवाज उठाउने प्रतिबद्धता ब्यक्त गरे ।
अध्यक्ष प्रचण्डले राप्ती सोनारीको विकास गणतन्त्र स्थापनापछि मात्र सुरु भएको बताए । राप्ती सोनारीको विकास र समृद्धिका लागि आफ्ना पार्टीका नेताहरु महेश्वर गहतराज अथक र कृष्ण केसी नमुना अनवरतरुपमा लागि रहेको भन्दै प्रचण्डले दुबै नेताको प्रशंसा गरे । ‘राप्ती सोनारीको विकासमा दुबै नेताबाट मलाईलाई निरन्तर रिपार्टिङ हुने गरेको छ,’ उनले भने, ‘अथक र नमुनालाई यसै मञ्चबाट बधाई र धन्यवाद भन्न चाहन्छु ।’
उनले आफुले सरकारको नेतृत्व गरेका बेला सत्य निरुपण तथा मेलमिलाप सम्बन्धी धेरै काम भएको दाबी गर्दै आयोग गठन भएसँगै जनयुद्धमा सहिद भएका, बेपत्ता परिवारको राहत र परिपुरणका काम सुरु हुने जानकारी दिए ।
अध्यक्ष प्रचण्डले हुृलाकी राजमार्ग अभियानमा १ करोड जनतासँग सम्बाद भएको उल्लेख गर्दै जनताकै शक्ति लिएर माओवादीले भ्रष्टाचारका विरुद्ध र सुशासनको पक्षमा फेरि संघर्ष छेड्ने उदघोष गरे । उनले आफुले सरकारको नेतृत्व गर्दा सुरु गरेको भ्रष्टाचार विरुद्ध अभियान छेडेको र सुशासनको सुरुवात गरेको बताए । आफ्नो अभियान देशका दलाल, सामन्त र बिचौलियालाई मन नपरेकै कारण सरकार ढलेको उनले बताए ।
उनले एमाले र कांग्रेससँग पालो गरेर समिकरण गर्दा पार्टीमा बिचलन आएको बताए । उनले कांग्रेस र एमालेसँगको समिकरणले माओवादीलाई पनि कांग्रेस र माओवादीकै रोग सरेको बताउँदै पार्टीबाट समिक्षा गरेर समिकरण छाडेर पुनः आफ्नै वर्गमा फर्केको बताए । कांग्रेस र एमालेसँग समिकरण गर्दा फाइदा उनीहरुले लिएको र घाटा माओवादीलाई भएको भन्ने जनताबाट आलोचना भएपछि माओवादी जनतामा जाँदा अव कसैको बैशाखी नटेकी उभिन सक्ने गरि माओवादी अगाडी बढेको प्रचण्डले बताए । बिगतको उपचुनाव र स्वबियु निर्वाचनमा माओवादी १ नम्बरको पार्टी बनेको दाबी गरे ।
पूर्व प्रधानमन्त्री समेत रहेका अध्यक्ष प्रचण्डले आफु प्रधानमन्त्री भएका बेला शिक्षा बिधेयक सदनमा ल्याएको स्मरण गर्दै बिधेयकको काम अगाडी बढाउन सरकारले पहलकदमी नलिँदा शिक्षकहरुले आन्दोलन गर्नु परेको बताए । उनले प्रधानमन्त्रीको रबैया शिक्षा क्षेत्रको समस्या समाधन गर्नु भन्दा समस्या बल्झाउने तर्फ केन्द्रीत रहेको आरोप लगाए ।
उनले दलाल, सामन्त र बिचौलीयाको पक्षमा रहेका पार्टीबाट देशमा समृद्धि नआउने तर्क गर्दै देशको समृद्धि र सुशासनका लागि ८४ मा माओवादीले जित्नै पर्ने औँल्याए । ‘माओवादीबाट मात्र देशमा समृद्धि र सुशासन कायम हुन सक्छ ।’ उनले भने ।
