श्रीलंकाले नेपाललाई दियो २३४ रनको लक्ष्य

काठमाण्डौ : एसीसी पुरुष अन्डर–नाइन्टिन एसिया कपमा  श्रीलंकाले नेपाललाई २३४ रनको लक्ष्य दिएको छ। 

यूएईको शारजाह क्रिकेट स्टेडियममा नेपालले टस जितेर बलिङ गरेको हो।  ४९. ४ ओभरमा सबै विकेट गुमाएर श्रीलंकाले २३३ रन बनाएको हो। 

प्रतियोगिताको अन्तिम तयारी स्वरुप हेमन्त धामीको कप्तानीमा नेपालले भारतको प्रादेशिक टोली कर्नाटकसँग पाँच खेलको एकदिवसीय अभ्यास सिरिज खेलेको थियो। सो सिरिज ३–२ ले जितेको नेपाली टोली उच्च मनोबलका साथ प्रतियोगितामा सहभागिता जनाउँदै छ।

बलियो टोली श्रीलंकालाई हराउन नेपालले उत्कृष्ट प्रदर्शन गर्नुपर्ने छ। हालसम्म ८ पटक एसिया कप खेलिसकेको नेपालको अन्डर–नाइन्टिन टोली १ पटक मात्र २०१७ मा प्रतियोगिताको सेमिफाइनलसम्म पुगेको थियो।