पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
काठमाण्डौ : एसियाली खेलकुद छनोट अन्तर्गत महिला क्रिकेटको पहिलो खेलमा नेपालले चीनलाई १९ रनले हराएको छ । मलेसियामा जारी प्रतियोगितामा नेपालले चीनविरुद्ध पहिलो जित निकालेको हो ।
टस जितेर सुरुमा ब्याटिङ गरेको नेपालले पूरै २० ओभर खेल्दै पाँच विकेटको क्षतिमा १२५ रन बनाएको थियो । १२६ रनको लक्ष्य पछ्याएको चीन पूरै २० ओभर खेल्दै पाँच विकेटको क्षतिमा १०६ रनमा समेटिएको हो । चीनका लागि कप्तान जु मिजुले सर्वाधिक ३० रन जोड्नुभयो भने वाङ हुइवाङले २१ रन थपे ।
चीनलाई सस्तैमा समेट्न नेपालका लागि रिया शर्माले दुई विकेट हात पार्दा पूजा महतो, मनिषा उपाध्याय र कविता कुँवरले एकएक विकेट लिइन् ।
पहिला ब्याटिङ गरेको नेपालका लागि पूजा महतोले अर्धशतक बनाएकी थिइन् । महतोले ५७ बलको सामना गर्दै ६ चौकाको मद्दतमा ६३ रन बनाएकी हुन् । रुबी पोदारले नटआउट २२ रन जोड्दा सोनी पाख्रिनले १८ रन थपिन् ।
चीनका लागि कसिलो बलिङ गर्दै मा रुइकेले दुई विकेट हात पार्दा वाङ हुईइङ र ली ली च्याफिङले एकएक विकेट हात परिन् ।
एसिया छनोटमा नेपाल रहेको समूह …बीÚ मा चीन र इन्डोनेसिया छन् । नेपालले इन्डोनेसियासँग बिहीबार खेल्ने छ । समूह …बीÚका नेपाल र चीनले दुई दुई अंक जोडेका छन् भने इन्डोनेसिया अंकबिहीन छ ।
समूह …एÚ मा हङकङ, मलेसिया र थाइल्यान्ड छन् । समूह …एÚको थाइल्यान्डले चार अंक जोड्दा मलेसिया र हङकङ अंकबिहीन छन् । दुवै समूहका शीर्ष दुई टोली छनोटको सेमिफाइनल पुग्ने छन् ।
सेमिफाइनलका विजेता टोलीले फाइनल खेल्ने छन् भने पराजित टिमले तेस्रो स्थानका लागि प्रतिस्पर्धा गर्ने छन् । प्रतियोगिताका शीर्ष तीन टिम एसियाली खेलकुदका लागि छनोट हुने छन् ।
