अफगानी सेनाद्वारा इरानमा अवैधरूपमा प्रवेश प्रयास गर्ने २०२ जना पक्राउ

एजेन्सी : अफगानी सेनाले छिमेकी देश इरानमा अवैधरूपमा प्रवेश गर्ने प्रयास गरेको आरोपमा इरानसँगको सिमानामा २०२ जनालाई पक्राउ गरेको मङ्गलबार पश्चिमी क्षेत्रको राष्ट्रिय सेनाले एक विज्ञप्ति मार्फत जनाएको छ।   

पक्राउ परेका व्यक्तिहरूलाई गत हप्तामा पश्चिमी हेरात प्रान्तको घोरियन जिल्लाबाट हिरासतमा लिइएको विज्ञप्तिमा जनाइएको छ।

यद्यपि सयौं अफगान शरणार्थीहरू इरानबाट दैनिक आफ्नो मातृभूमि अफगानिस्तान फर्कन्छन्, धेरै अफगानहरू आफ्नो युद्ध पछिको देशमा गरिबी र बेरोजगारीबाट बच्न हरेक दिन अवैध रूपमा इरान जान्छन्।

अफगान सरकारले मानव बेचबिखन र छिमेकी देशहरूमा अवैध पारगमन रोक्ने वाचा सहित सिमा नाकाहरुमा कडाई गरेको छ।