उत्तर गोवाको जात्रामा भागदौड मच्चिँदा ६ जनाको मृत्यु

काठमाण्डौ : भारतको गोवामा भएको भागदौडमा परेर ६ जनाको मृत्यु हुँदा दर्जनौं बढी घाइते भएका छन् । जसमा २० जनाको अवस्था गम्भीर रहेको भारतीय सन्चार माध्यमले जनाएका छन् ।

उत्तर गोवास्थित शिरगाउँमा रहेको श्री लैराई जात्राका गए राति भएको भागदौडमा ६ जनाको मृत्यु भएको बताइएको छ। भागदौडमा दर्जनौं बढी घाइते भएका छन्, जसमध्ये २० जनाको अवस्था गम्भीर रहेको गोवा प्रहरीले जनाएको छ।

घाइतेहरुको गोवा मेडिकल केलेज र गोवा सरकारी अस्पतालमा उपचार जारी रहेको र मृतकको संख्या बढन सक्ने बताइएको छ। 

ठुलो संख्यामा उपस्थित भएका भक्तजनमा एक्कासी भागदौड मच्चिदा दुर्घटना भएको गोवा प्रहरीले बताएको छ।