पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
नेपालगञ्ज : कोहलपुर नगरपालिकाको क्यालेण्डर २०८३ अनुसार आयोजित हस्तलेखन प्रतियोगिता–२०८३ सम्पन्न भएको छ । प्रतियोगितामा नगरभित्रका ३६ वटा विद्यालयका विद्यार्थीहरूको सहभागिता रहेको थियो ।
प्रतियोगितामा ग्रिनपिस माध्यमिक विद्यालय, कोहलपुर–१२ चप्परगौडीका दिनेश कैला प्रथम स्थान हासिल गर्न सफल भए । त्यसैगरी गोल्डेन फ्युचर एकेडेमी, कोहलपुर–१२ चप्परगौडीकी लक्ष्मी गौतम दोस्रो तथा बागेश्वरी एकेडेमी, कोहलपुर–१०का सन्दीप थापातेस्रो स्थान प्राप्त गर्न सफल भए ।
यस्तै, जीवनज्योति माध्यमिक विद्यालय, कोहलपुर–१० की कृतिका रावतले सान्त्वना स्थान हासिल गरिन् ।
प्रतियोगिताको आयोजना कोहलपुर नगरपालिका शिक्षा तथा खेलकुद शाखाले गरेको थियो भने कार्यक्रमको सहजीकरण बागेश्वरी एकेडेमीले गरेको थियो ।
प्रतियोगितामार्फत विद्यार्थीहरूमा सुन्दर हस्तलेखनप्रति रुचि बढाउने, लेखन सीपको विकास गर्ने तथा सिर्जनात्मक क्षमताको अभिवृद्धि गर्ने उद्देश्य राखिएको आयोजकले जनाएको छ ।
